| 頂..我真係頂唔順啦~
呢排真係好唔開心..一連串唔開心既事都積積埋埋..呢幾日爆左出黎..控制唔到自己
諗返起既時候d眼淚就忍唔住..朋友,家人,讀書好多事都一直俾左好多壓力我
讀書讀得唔開心..覺得同您地之間既距離愈黎愈遠..好多野都跟唔到..唔知可以問邊個
無人幫到自己..就會好想放棄..
自從公開之後..屋企就多個話柄話我..點解您要同個d人拉埋黎一齊講..我唔係d隨便既人..個陣我係醫院您同我講既野同而家係屋企真係好唔同..當初我以為您真係接受左..但點知原來唔係..係會變成咁!
真係好煩..好辛苦..有邊個可以明白我?邊個會明白我而家既感受?
|
| |
| 朋友重要嗎??
其實一路以黎我都覺得朋友係我心目中係好重要
係我既世界入面我係唔可以無朋友
開心會一齊開心 唔開心佢地可以陪您傾計 仲會得閒約出黎聚下玩下
但朋友之間既友誼真係會長久??
從來無諗過做任何野傷害任何人
我只係想同自己既朋友過得簡簡單單 唔想搞到複雜
其實聽到人地同我講呢個唔好個個唔好既時候
我都只係聽 我無証實任何野 因為我真係唔想失去身邊任何一個人
更加唔想做d野去傷害自己既朋友
但我呢種諗法對於而家既我黎講仲有無機會
朋友對我黎講其實無分真定假 如果您同得一個人做朋友 都係拎個心出黎
呢排發生好多事 有好多問題我都唔明 點解人地同自己講完呢個唔好呢個假
叫我唔好玩咁埋 但到頭黎點解佢地做既野又等於我做梗既野
到底係咪我既問題??
可能係我根本唔適合活係您地既一堆入面
|
| |
